सायमन मास्कारेन्हास हांचें घरकोसळून दोन लाखांचें लुकसाण
भांगरभूंय | प्रतिनिधी
भांगरभूंय । प्रतिनिधी
पेडणें : राज्यांत उटंगाराच्या पावसाक लागून लोकजीण विस्कळीत जाल्या. हांगाच्या कोटकरवाड्यार पावसाक लागून सायमन मास्कारेन्हास हांच्या आदल्या घराचो अर्दो भाग कोसळून सुमार 2 लाख रुपयांचें लुकसाण जालें. घरांतल्या सामानाचेंय व्हडा प्रमाणांत लुकसाण जालें. हे घडणुकेंत कोणाक कांय जावंक ना.
दोन दिसां पयलींच सायमन गांवां भायर गेल्ले. घराची पळोवणी आयज पेडणें नगराध्यक्ष सिद्धेश पेडणेंकार हांणी केली. सायमन हांणी घराचे दुरुस्ती खातीर सरकारान मजत करची अशी मागणी केल्या.
नगराध्यक्ष सिद्धेश पेडणेंकार हांणी मुख्यमंत्री निधींतल्यान आनी थळावे आमदार प्रवीण आर्लेकार हांच्या सहकार्यांतल्यानूय जी मजत जाय ती ह्या कुटुंबाक मेळोवन दितलों अशें आस्वासन दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
