भांगरभूंय | प्रतिनिधी
भांगरभूंय । खबरां संस्था
नाशीक: मनीसपण नांवाची भावना एकेकदां शेणटा. कसल्याय कारणाक लागून लोकांचो अहंकार जागो जाता. नाशिकांतल्या इगतपुरी वाठारांतल्या आदिवासींक हाचो प्रत्यय आयलो. कुडीचेर निमणे संस्कार करपाक शेतांतल्यान ती व्हरतना शेतकारान तांची वाट आडायली. ताका लागून दिसभर कूड तशीच उरली. ह्या आदिवासी कातकरी वाड्यार वचपा खातीर एकूय रस्तो ना. ताका लागून ते एका शेतांतल्यान यो- वच करतात.
कातकरी पाड्या वयल्या एकट्याक मरण आयलें. निमणे संकार करपा खातीर शेतांतल्यान एकूच वाट आसा. पूण त्या शेतकारान तांकां आडायले. सांज जाली तरी निमणे संस्कार जावंक पावले नात. मागीर कोणे तरी पुलिसांक ही म्हायती दिली. तेन्ना तहसीलदार आनी पुलीस घडणुके सुवातेर आयले. तांणी पुलीस बंदोबस्तांत पांयवाट मेकळी केली आनी अखेरेक एकदाचे कुडीचेर निमणे संस्कार जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
