भांगरभूंय | प्रतिनिधी
मुंबय : रेल्वेंत बायलांच्या डब्यांत चडून पयशे मागपी तृतीयपंथीन एके प्रवासी बायलेन पयशे दिवंक नाशिल्ल्यान तिका स्पर्श करून बुरश्यो गाळी मारल्यो. हे विशीं ते बायलेन वांद्रें रेल्वे पुलीस स्टेशनाचेर कागाळ केली. वांद्रें रेल्वे पुलिसांनी तृतीयपंथी आड गुन्यांव दाखल केला.
शिवन्या सारला उर्फ कौशल्या (24) अशें गुन्यांव दाखल जाल्ल्या तृतीयपंथीचें नांव. मेळिल्ले म्हायती प्रमाण, 25 जुलयाक 44 वर्सां पिरायेची एक बायल प्रवासी मरीन लायन्स स्टेशना वयल्यान अंधेरी वचपा खातीर बोरीवली रेलगाडयेंतल्यान प्रवास करताली. रेल्वे माहीम स्टेशना वयल्यान सुटले उपरांत ह्या तृतीयपंथीन ते बायलेक स्पर्श करून तिचे कडेन पयशे मागले. ‘हात लावं नाका. तूं बायल काय दादलो’ अशें म्हणीत ते बायलेन तृतीयपंथीक पयस करपाचो यत्न केलो. तिणें पयशे दिवंक नात, त्या रागान ताणें बायलेक गाळी मारून बुरशे हावभाव केले. बायलेन सांताक्रूझ रेल्वे स्टेशनाचेर देवून कागाळ केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
