भांगरभूंय | प्रतिनिधी
आमदार केदार नायकान मांडली समस्या
पणजी : राज्यांत सध्या उटंगाराचो पावस पडटा. पावसाक लागून रस्त्याचेर उदक भरता. दर वर्सा पणजी – म्हापशें मार्गाचेर गिरी उदक भरता. हाचेर उपाय काडपाची मागणी आमदार केदार नायक हांणी केली.
गिरी तें म्हापशें तार मेरेनच्या साळ न्हंयेंतलो चिखल उसपपाची येवजण आसा. नोव्हेंबरांत हें काम सुरू जातलें. साळ न्हंयेंत चिखल आशिल्ल्यान चड पावस पडलो काय उदक रस्त्याचेर येता, अशें उदका पुरवण खात्याचे मंत्री सुभाष शिरोडकार हांणी सांगलें.
म्हामार्गा सकयल उदक व्हावपा खातीर जी पायपां घातल्यां, तीं ल्हान जाता. तातुंतल्यान उदक भायर येता, अशें केदार नायक हांणी सभाघरांत सांगलें. म्हामार्गा पोंदा उदक व्हांवपा खातीर बॉक्स कल्वर्ट घालपाची मागणी तांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
