भांगरभूंय | प्रतिनिधी
पर्वरी: राज्यांतल्या केक, पेस्ट्री दुकानांची घुंवळे वखदां विरोधी पंगडा वतीन तपासणी करतले, अशें मुख्यमंत्री डॉ. प्रमोद सावंत हांणी सांगलें.
आयज सभाघरांत आमदार वेंझी व्हिएगस हांणी राज्यांत कांय पेस्ट्री दुकानांतल्यान घुंवळे वखदां (Brownie weed, Marijuana)पसून तयार जाल्ले केक विकतात, असो मुद्दो मांडलो.
विधानसभा अधिवेशनांत बुधवारा आमदार विरेश बोरकार हांणी प्रस्न काळांत घुवळे वखदां विशीं प्रस्न केल्लो. ताचेर वेंझी हांणी उपप्रश्न विचारल्या उपरांत मुख्यमंत्री उलयताले. ड्रग्ज मेळपाचो खंयचोच हॉटस्पॉट ना. खबर्यां कडल्यान जेन्ना म्हायती मेळटा तेन्ना पुलीस, एएनसी, क्रायम ब्रांच हांचे कडल्यान कारवाय जाता. ड्रग्ज जप्त करून दुबावितांचेर कारवाय करता. उपरांत त्या घुंवळे वखदांचो विलोय लायतात अशें मुख्यमंत्र्यान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
