तुमकां दोळे आयल्यात?
भांगरभूंय | प्रतिनिधी
पणजी ः राज्यांत ‘आय फ्लू’ (दोळे येवप) पातळिल्ल्यान सगळे कडेन हुस्को व्यक्त जाता. खास करून शाळेंतल्या भुरग्यांक हाचो नेटान संसर्ग जावपाक लागला. कांय वाठारांनी तर शिक्षक तशेंच पालकांकूय बादा जाल्या. देखून भुरग्यांचे दोळे तांबडे आसल्यार वा दोळ्यांत हेर कसलीय लक्षणां दिसल्यार तांकां शाळेंत धाडूंक फावना. उपचार पुराय जाले उपरांतच भुरग्यांक शाळेत धाडचे.
लक्षणां –
- दोळे तांबडे जावप
- दोळो सुजप
- दोळ्यांक खाज येवप
- उजवाडा कडेन संवेदनशीलताय
- दोळ्यांतल्यान धवो चिकट स्राव भायर येवप
- दोळ्यांतल्यान सदचे परस चड दुकां गळप
जतनाय कशीं घेवची –
- हाताची बरी नितळसाण दवरात. हात परत परत धुवात.
- दोळ्यांचो मेकअप आनी टॉवेल अशीं वैयक्तीक वस्तू हेरांक दिवप टाळचें.
- दोळ्यांच्या सोबीतकाय उत्पादनांची एक्स्पायरी सोंपले उपरांत तीं वापरूं नाकात.
- तुमचें उशाचें कव्हर बदलचें.
- टॉवेल धुवचे आनी निवळ कपडे घालचे.
- दोळ्यांचें दुयेंस संसर्गजन्य आशिल्ल्यान तें जाल्ल्या मनशांच्या चड लागीं वच्चें न्हय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
