भांगरभूंय | प्रतिनिधी
बारावेचे समकक्ष जातली
पणजी : आयटीआय अभ्यासक्रम हो ढ वा नापास जाल्ल्या विद्यार्थ्यांनीच शिकपाचो, असो एक गैरसमज विद्यार्थी आनी पालकां मदीं आसा, तो सरकाराच्या एका निर्णयाक लागून आतां पयस जावपाक मजत जातली.
‘धावे उपरांत दोन वर्सांचो आयटीआय कोर्स हो बारावी यत्ता पास जावपाचे समकक्ष जातलो, अशें मुख्यमंत्री डॉ. प्रमोद सावंत हांणी सांगलें. आयटीआय विद्यार्थ्यांक फुडे शिकपा खातीर सुविधा निर्माण करपाचे येत्न आसा’, अशें मुख्यमंत्री डॉ. प्रमोद सावंत हांणी सांगलें.
आयटीआय उपरांत जाय जाल्यार बीए, बीकॉम शिक्षण पुराय करपाक मेळटलें. सरकारी तंत्रनिकेतनात (पॉलीटेक्नीक) आयटीआय विद्यार्थ्यां खातीर राखीव जागांचें प्रमाण वाडयतले. पॉलिटेक्निकाच्या दुसर्या वर्साक आयटीआय विद्यार्थ्यां खातीर 26 टक्के जागे राखीव आसा. मुरगावचे आमदार संकल्प आमोणकार हांच्या प्रस्नाचेर उलयताना मुख्यमंत्र्यांनी ही म्हायती दिली.
मुरगाव म्हालांतल्या उच्च माध्यमिक विद्यालयांतल्या विद्यार्थ्यांच्या आंकड्याचें सर्वेक्षण शिक्षण खात्याक करपाक सांगलां. सर्वेक्षण जाले उपरांत इकरावी, बारावी यत्तां खातीर वर्ग वाडोवपाचो निर्णय जातलो, अशें मुख्यमंत्री सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
