सीमा पावली भारतांत, अंजू पाकिस्तानांत
भांगरभूंय | प्रतिनिधी
भांगरभूंय । खबरां संस्था
लखनौ : पुराय देशभर पाकिस्तानातल्यान आपल्या चार भुरग्यांक घेवन मोग्याक मेळपाक आयिल्ले पाकिस्तानाचे सीमा हैदर हिचें प्रकरण आजूनय गाजता. अशें आसतना आतां एक भारतीय तरणाटी आपल्या बाॅयफ्रेंडाक मेळपा खातीर पाकिस्तानांत पावल्या. तिचें नांव अंजू. वाघा बॉर्डर पार करून ती पाकिस्तानांत दाखल जाली. सध्या ही लव्ह स्टोरी पुराय भारतांत तशेंच पाकिस्तानांत बरीच रंगल्या.
उत्तर प्रदेशच्या कैलोर वाठारांत रावपी अंजू आपलो फेसबूक फ्रॅण्ड आनी मोगी नसरुल्लाह हाका मेळपाक पाकिस्तानांत पावली. व्हिसा घेवन ती खैबर पख्तूनख्वा शारांत पावल्या. नसरुल्लाह हे थंय रावतात. ते मेडिकल रिप्रेसेंटेटीव्ह.
अंजून पाकिस्तानांत वचपा खातीर 4 मेक पाकिस्तान प्रशासना कडल्यान व्हिसा तयार केल्लो. तो 90 दिसां खातीर आसा. व्हिसा मेळटकच अंजून वाघा बॉर्डर पार करून पाकिस्तानांत प्रवेश केला. आपूण नसरुल्लाहचेर मोग करतां आनी ताचे बगर रावपाक शकना अशें अंजू म्हणटा.
मजगतीं, जशीं सीमाची सुरक्षा यंत्रणांनी चवकशी केली तशीच पाकिस्तानांत पावले उपरांत अंजूचीय चवकशी चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
