भांगरभूंय | प्रतिनिधी
पिएफआय कडेन लागसारपण आशिल्ल्याची फटीची म्हायती व्हायरल
फोंडें: जिसीएचे वेंचणुकेंत सैबर मुल्ला हांणी भांडारीपदा खातीर अर्ज दाखल केल्लो. पूण वेंचणुकेच्या पयल्या दिसा सैबर मुल्ला आनी अकबर मुल्ला हांचे पिएफआय कडेन लागसारपण आशिल्ल्याची फटीची म्हायती वॉट्सअॅपार आनी फेसबुकार व्हायरल केल्ली. ताका लागून सैबर मुल्लाक हार खावची पडली. अनवळखी मनशा आड पुलीस कागाळ दिल्या आनी एक कोटी रुपयांचो अब्रू लुकसाणीचो दावो लेगीत करतले अशी म्हायती अकबर मुल्ला हांणी फोंड्यां घेतिल्ले पत्रकार परिशदेंत दिली.
अनवळखी मनशा कडल्यान समाजांत एक प्रकारान फूट घालपाचो यत्न जाला. जिसीएचे वेंचणुकेंत पयलेच फावटी अशे तरेचें वायट कृत्य करून उमेदवाराक बदनाम करपाचो यत्न जाला. मुल्ला कुटुंबान खेळा मळार व्हड योगदान दिलां. पूण अनवळख्यांनी सैबर मुल्ला हाका बदनाम करपाचो यत्न केला. पुलिसांनी हे संबंदी खोलायेन चवकशी करपाची गरज आशिल्ल्याचें अकबर मुल्लान सांगलें.
पत्रकार परिशदंत सैबर मुल्ला हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
