भांगरभूंय | प्रतिनिधी
खातेधारकांक मोबायला वरवीं पयशे जमा करपाची संद
वाळपय: सत्तरी अर्बन कॉओपरेटिव्ह क्रेडीट सोसायटी आपल्या गिरायकां खातीर आधुनीक सेवा दिवपाचो यत्न करीत आसा. आतां मेरेन हे संस्थेचे वेगळ्यावेगळ्या वाठारांनी 12 फांटे आसात. दिवाळेच्या शूभ म्हुर्तार संस्थेन आपल्या गिरायकां खातीर ‘क्यू आर’ कोड जारी केला. आतां गिरायकांनी खात्यांत पयशे जमा करपा खातीर प्रत्यक्ष फांट्यांत वचपाची गरज ना. खंयचेय सुवाते वयल्यान आपले पयशे ह्या संस्थेच्या खात्यांत जमा करूंक मेळटलें.
तेच प्रमाण जंय हो क्यूआर कोड उपलब्ध आसा थंय कसलीय खरेदी करपाची संद गिरायकांक उपलब्ध जाल्या. हाचो शुभारंभ हालींच संस्थेच्या संचालक मंडळाच्या सभाघरांत आयोजीत केल्ले कार्यावळींत जालो.
ह्या वेळार संस्थेचे अध्यक्ष अॅड. यशवंत गांवस, संस्थेचे संचालक वासुदेव परब, सपना परब, अॅड. काशिनाथ माळशेकार, कृष्णा गांवस. श्रीपाद सावंत, गोविंद कोरगांवकार अक्षदा गांवस, संस्थेचे कार्यकारी संचालक लक्ष्मण गांवस सरवेवस्थापक अनंत गांवस, तंत्रीक विभागाचे केशव चव्हाण सुनील पर्येंकार आनी हेर मानेस्त हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
