भांगरभूंय | प्रतिनिधी
म्हापशेंः पर्वरींतल्या आलीशान हॉटेलांत बंटी भरत प्रसाद (39, अस्तंत मुंबय) हाका दुबावीत तरेन मरण आयलें. तो गोंय कला अकादमीच्या दुरुस्तीच्या कामांत उपकंत्राटदार म्हणून काम करतालो. कॅसिनोंत जुगार खेळपाक लागून तो रिणांत पडिल्लो.
मंगळारा 30 वेर रातच्या सुमार 9.30 वरांचेर ही घडणूक उजवाडाक आयली. हॉटेलांतल्या आपल्या कुडीच्या बाथरूमांत तो कमरेच्या पट्ट्यान गोळ घेतिल्ले अवस्थेंत सांपडलो. हॉटेलांतल्या बाथरूमाचें दार उक्तें आशिल्ल्यान ही घडणूक उक्तडार आयली.
हे घडणुकेची म्हायती मेळटकूच पर्वरी पुलिसांनी थंय वचून पंचनामाे करून कूड पोस्टमार्टेमा खातीर बांबोळे गोमॅकाँत धाडल्या. बिरेस्तारा ताचें कुटुंबीय गोंयांत पावले उपरांत कूडीचो पोस्टमार्टेम करतले. ते उपरांत मरणाचें कारण स्पश्ट जातले. पर्वरी पुलिसांनी फुडली चवकशी सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
