भांगरभूंय | प्रतिनिधी
मुख्यमंत्र्यांनी घेतली केंद्रीय शिक्षण मंत्री धर्मेंद्र प्रधानांची भेट
पणजी: नॅशनल इन्स्टिट्यूट ऑफ टेक्नोलॉजींत गोंयकारांक नोकऱ्यो मेळच्यो म्हूण मुख्यमंत्री डॉ. प्रमोद सावंत हांंणी आयतारा केंद्रीय शिक्षणमंत्री धर्मेंद्र प्रधान हांची भेट घेवन चर्चा केली. एनआयटींत नोकऱ्यां मदीं गोंयकारांक प्राधान्य दिवचें, अशी मागणी मुख्यमंत्र्यांनी केली. मुख्यमंत्र्यांनी केंद्रीय रेल्वे मंत्री अश्विनी वैष्णव हांची भेट घेतली.
एनआयटींत शिक्षक वर्ग तशेंच हेर कर्मचारी गोंया भायले आसता. गोंयकारांक एनआयटींत नोकरी मेळपाक जाय, अशी मागणी विरोधी पक्ष फुडारी युरी आलेमांव हांणी केल्ली. एनआयटी खातीर गोंय सरकारान जागो दिल्लो आसलो तरी गोंयकारांक उणी संद उपलब्ध जाता, अशी कागाळ आशिल्ली. एनआयटींतल्या नोकऱ्या विशीं मुख्यमंत्र्यांनी चर्चा केली.
केंद्रीय रेल्वेमंत्री अश्विनी वैश्णव हांची भेट घेवन मुख्यमंत्र्यांनी रेल्वेच्या मुळाव्या सुविधां विशीं चर्चा केली. तुयें इलेक्ट्रॉनीक सिटीचें काम पुराय जालां. उद्देजकांनी प्लॉट खरेदी केल्यात. तुयें इलेक्ट्रॉनीक सिटी विशीं लेगीत भेटींत चर्चा जाली. आयटी सुविधां विशीं लेगीत चर्चा जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
