भांगरभूंय | प्रतिनिधी
पणजी : मडगांवां जंक्शनाचेर आयज सोमारा म्हत्वाच्या ब्लॉकाक लागून कोंकण रेल्वेन कांय रेल्वे सेवांमदीं तात्पुरते बदल जाहीर केल्यात. ह्या ब्लॉकाचो परिणाम विशेश म्हणल्यार मडगांव-मंगळुरू मार्गावेल्या प्रवाशांचेर जातलो.
कोकण रेल्वे कडल्यान मडगांव-मंगळुरू मजगतीं धांवपी दोन मेमू सेवा पुरायेन रद्द केल्यात. तशेंच, आनीक दोन गाडयो काणकोण मेरेनूच चलतल्यो. संबंदीत मार्गार कांय विभागांनी सेवा कांय काळा खातीर रद्द आसतली.
मजगतीं, जनशताब्दी एक्सप्रेस सेवांनीय बदल केल्यात. मुंबय-मडगांव जनशताब्दी (गाडी क्र. १२०५१) ही गाडी मडगांव मेरेन वचनासतना थिये मेेरेनूच धांवतली. जाल्यार मडगावमुंबय जनशताब्दी (गाडी नं. १२०५२) ही गाडी थियेच्यान सुटपाची आशिल्ल्यान थिवी-मडगांव हे मजगतींची सेवा सद्या रद्द उरतली.
रेल्वे प्रशासनान प्रवाशांनी प्रवासा पयलीं गाडयांच्या वेळापत्रकाची खातरजमा करूनच प्रवास करपाचो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
