9 ते 23 ऑगस्टा मजगतीं वट्ट 19 रेल्वेगाडयो रद्द
भांगरभूंय | प्रतिनिधी
भांगरभूंय । खबरां संस्था
मुंबय ः रेल्वे विभागा वतीन जावपी बदल प्रवाशांचेर परिणाम करता. असोच एक निर्णय रेल्वे विभागान घेतला. ताका लागून प्रवाशांच्यो प्रवास करपाच्यो तारखो फुडें धुकलपाची शक्यताय आसा. कांय म्हत्वाच्या कामां खातीर भारतीय रेल्वेच्या मध्य रेल्वे विभागान कांय लांब पल्ल्याच्यो रेल्वे गाडयो रद्द केल्यात.
मुंबय-हावडा हांगा रेल्वेचो चवथो मार्ग आतां सक्तीन रेल्वे स्थानका कडेन जोडपा वांगडा स्थानकाच्या यार्डाचेंच काम आशिल्ल्यान हांगाच्यान वचपी रेल्वे गाडयांची येरादारी आडायतले. 9 ते 23 ऑगस्टा मजगतींच्या काळांत विवीध तारखांक वट्ट 19 रेल्वेगाडयो रद्द करपाचो निर्णय घेतलो. जाका लागून प्रवाशांक खुबश्या आडखळींक तोंड दिवचें पडटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
