भांगरभूंय | प्रतिनिधी
अस्तंत बंगालांत वेंचणुके मजगतीं हिंसाचार
कोलकाताः अस्तंत बंगालांत थळाव्या स्वराज्य संस्थांच्या वेंचणुकेचें मतदान जालें. 8 जून दिसा राज्यांतल्या ह्या वेंचणुकांची घोशणा जाल्ली, तेन्नाच्यान आतां मेरेन अस्तंत बंगालांत मोट्या प्रमाणांत हिंसाचार जाला. शेनवारा जाल्ल्या संघर्शांत 7 हत्या जाल्यात, जाल्यार आतां मेरेन 18 जाणांक मरण आयलें. काल मतदाना मजगतीं, अस्तंत बंगालांत जायते कडेन मतपेटयो पळोवपाचे, लांसपाचे तशेंच कार्यालयांची मोडतोड जाली. काँग्रेस कार्यकर्ते आनी तृणमूल कार्यकर्त्यां मदीं झगडी पेटलीं. हे घडणुकेंत सात जाणांक मरण अायलें.
कूचबिहारांतल्या फोलिमारींतूय हिंसाचार जालो. थंय भाजपाच्या पोलींग एजंटाची हत्या केली. जाल्यार एका मतदान केंद्राचेर बॉम्ब उडोवपाची घडणूक घडली. मरण आयिल्ल्यां मदीं तृणमूलचे 5 जाल्यार भाजपाच्या एका कार्यकर्त्याचो आस्पाव आसा.
सुरक्षे खातीर वट्ट 1 लाख 35 हजार जवानांक तैनात आशिल्ले, तरी लेगीत काल मतदाना दिसा मोट्या प्रमाणांत हिंसाचार जालो. तातूंत कांय कार्यकर्त्यांक मरण आयलें जाल्यार कांय कडेन मतपेटयो पळोवपाचे आनी लांसपाचे प्रकार घडलें.
वेंचणूक आयोगान दिल्ले म्हायती प्रमाण, 22 जिल्ह्यांतल्या 63,229 ग्रामपंचायतींच्यो सुवातो, पंचायत समितीच्याे 9,730 सुवातो आनी जिल्हा परिशदेच्या 928 सुवातां खातीर शेनवारा मतदान जालें. ही वेंचणूक म्हणल्यार लोकसभा वेंचणुकेची पूर्व परिक्षा.
मजगतीं, काल मतदाना मजगतीं, अस्तंत बंगालांत जायते कडेन मतपेटयो पळोवपाचे, लांसपाचे तशेंच कार्यालयांची मोडतोड जाली. हे घडणुके उपरांत व्हड वाद जालो. काँग्रेस कार्यकर्ते आनी तृणमूल कार्यकर्त्यां मदीं झगडी पेटलीं. हे घडणुकेंत सात जाणांक मरण अायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
