भांगरभूंय | प्रतिनिधी
व्हड पावस पडपाचो हवामान खात्याचो अदमास
पणजी, प्रतिनिधी ः फाटल्या 24 वरांत काणकोणा 84.8 मिमी, दाबोळी 52 मिमी, मुरगांव 44.6 मिमी, केपें 44 मिमी आनी पणजी 39.7 मिमी पावस पडलो. राज्य हवामान खात्यान आयज बिरेस्तारा एका दिसा खातीर ऑरेंज अलर्ट जारी केल्लो. पूण तो आतां आनीक तीन दिसा खातीर वाडयलां. 30 सप्टेंबर मेरेन राज्यांत घोग्यांनी पावस पडपाचो अदमास हवामान खात्यान उक्तायला. ह्या काळांत नागरिकांनी जतनाय घेवपाची शिटकावणी दिल्या.
अंदूंच्या पावसाच्या हंगामांत राज्यांत 1 जून ते 28 सप्टेंबर मेरेन 126.18 इंच पावस पडला. हो पावस सरासरी परस 7 टक्के चड आसा.
मजगतीं, जुलयाचें निमणें सप्तक आनी पूर्ण ऑगस्ट पावसान विसव घेतिल्लो. पूण चवथी पयलीं दोन दीस पावसाक परत सुरवात जाल्या. कांय वाठारांनी सतत व्हड प्रमाणांत पावस पडटा, जाल्यार कांय सुवातींनी उणो. अंदूं देशांत उसरां पावस सुरु जाल्ल्यान फुडले कांय दीस सतत पावस पडटलो अशें भारतीय हवामान खात्यान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
