भांगरभूंय | प्रतिनिधी
बदायूं, खबरां संस्था: उत्तर प्रदेशांतल्या बदायूं हांगा तैनात २९ पिरायेची बायल सत्र न्यायाधीश ज्योत्स्ना राय हिची कूड शेनवारा तिच्या सरकारी घरा कडेन फॅनाक हुमकळिल्ले अवस्थेंत दिसली. ज्योत्स्ना २०१९ च्या बॅचची पीसीएस-जे अधिकारी आशिल्ली. घडणुके सुवातेर पुलिसांक कांय बरयल्लीं पानां आनी मबायल सांपडलो.
ज्योत्स्ना लग्न जावंक नाशिल्ली. एप्रील २०२३त तिची बदली बदायूं हांगा जाल्ली. शेनवारा सकाळीं ती न्यायालयांत येवंक ना. ताका लागून तिच्या घरा संपर्क केलो. मात तिणें फोन उबारूंक नाशिल्ल्यान कर्मचारी तिच्या घरा गेले. तांणी पुलिसांक म्हायती दिली. ज्योत्स्नाक मानसीक त्रास आशिल्ले, अशें सांगलें.
ज्योत्स्नाची पयली नियुक्ती अयोध्येंत अतिरिक्त सत्र न्यायाधीश पदावर (ज्युनियर डिव्हिजन) जाल्ली. ती मुळची मऊ हांगा रावपी. तिची कूड पोस्टमार्टमा खातीर धाडल्या. हे घडणुके फाटलें कारण आजूनय कळूंक ना. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
