भांगरभूंय | प्रतिनिधी
पणजी : अयोध्येंतल्या राम मंदिरांत रामाचे मुर्तीची प्रतिश्टापना जातली. हे दिसा सरकारी कर्मचाऱ्यांक सुट्टी जाहीर जाल्या. शाळा आनी विद्यालयांय बंद आसतलीं. राममुर्ती प्रतिश्ठापन सुवाळो सगळ्यांक पळोवप शक्य जावचें, ह्या उद्देशान सरकारान हो निर्णय घेतला.
गोंय वैजकी म्हाविद्यालय हॉस्पिटलात दिव्यांग केंद्र सुरू जालां. ह्या केंद्रा मार्फत सगळ्या दिव्यांगांक फुकट उपकरणां मेळटलीं. आयज ह्या केंद्राचें उक्तावण जालें. चार वर्सांच्या भुरग्याच्या खून प्रकरणांत पुलिसांनी आरोपीक अटक केल्या. तपास योग्य दिशेन सुरू आसा. उत्तर गोंय पुलीस अधिक्षक आनी पुराय पुलीस पंगड तपास करता. ते प्रकरणाच्या मुळा मेरेन पावतले, अशें मुख्यमंत्री डॉ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
