भांगरभूंय | प्रतिनिधी
62 हजार रोख आनी भांगराच्यो वस्ती फारायल्यो
फोंडें: हवेली-कुट्टी हांगासरल्या साईराज इमारतीच्या तळमाळ्या वेल्या फ्लॅटांत कोणूच नाशिल्ल्याची संद सादून अनवळख्यांनी 62 हजार रुपयां सयत 1 लाख 82 हजार रुपया मोलाचें भांगराच्यो वस्ती फारायल्यो. ही घडणूक बुधवारा दनपारां उक्तडार आयले उपरांत फोंडें पुलीस स्टेशनार मुमताज अयूब खान (51) हे बायलेन कागाळ नोंद केल्या.
मेळिल्ले म्हायती प्रमाण कागाळदार मुमताज खान मंगळारा सांजवेळा गोमॅकाँत उपचार घेत आशिल्ल्या आपल्या बापाय म्हऱ्यांत गेल्ल्यो. फ्लॅटांत कोणूच नाशिल्ल्याची संद सादून अनवळख्यांनी अदमाशेक 1 लाख 82 हजार रुपयांच्यो भांगराच्यो वस्ती फारायल्यो.
बुधवारा दनपारां गोमॅकाँतल्यान परतले उपरांत चोरयेचो प्रकार उक्तडार आयलो. पुलिसांनी रोखडीच घडणूक थळार धांव घेवन पंचनामो केलो. निरिक्षक तुषार लोटलीकार हांच्या मार्गदर्शना खाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
