हरवळ्यां अपघातांत एके बायलेक मरण
भांगरभूंय | प्रतिनिधी
दिवचल प्रतिनिधी : साखळे- होंडा रस्त्यार हरवळ्यां काल सांजे वेळार एके गाडयेन दोन दुचाकी वाहनांक नेटान धपको दिल्ल्यान गिज्जीमोर अजिकुमार नायर (45, पोस्त वाडो, होंडा) हिका मरण आयलें. ह्या अपघातांत अजयकुमार कृष्णन परुरी (45) हे जखमी जाल्यात.
ह्या अपघाताक कारण थारिल्लो कारचालक अखिलेश जंध्याला (बंगळुरू) हाका पुलिसांनी ताब्यांत घेतला. आय 20 कार नंबर K A01Mx 4113 हे गाडयेन बुलेट GA04M5567 हे दुचाकी वाहनाक नेटान धपको दिले उपरांत GA0K3092 हे आनीक एके दुचाकीक धपको दिलो.
पयलीं धपको दिल्ल्या दोन चाकी वाहना वयले जखमी जाल्ले बायलेक सांखळे हॉस्पिटलांत व्हरतना मरण आयलें. एकलो जखमी जालो. जाल्यार दुसर्या धपक्यांत कोणाक दुखापत जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
