भांगरभूंय | प्रतिनिधी
न्यूयाॅर्कः जायते फावटीं गाडी चलयतना रस्त्यार स्पीड लिमिट बोर्ड पळोवन आमी सगळे स्पीडोमिटर पळयतात, पूण गाडयेचो स्पीडोमिटर अचकीत काम करपाचो बंद जाता तेन्ना कितें जाता, हाचो तुमी केन्ना विचार केला? अशे परिस्थितींत गाडी कितले स्पिडीन धांवता तें कशें कळटलें? वा रस्त्यार बोर्डाचेर दाखयल्या ते मर्यादे परस वेग चड आसल्यार मागीर तालांवाची शक्यताय चड. तुमचेर जर अशी परिस्थिती आयली जाल्यार आतां गूगल तुमकां मजत करतलो.
युजर्सांची ही समस्या पयस करपाक गुगला कडेन एक अद्भुत अॅप आसा आनी ताका गूगल मॅप्स म्हणटात. हो अॅप तुमकां दिका दाखोवपाक मदत करताच, पूण आतां तातूंत एक खाशेलपणय आसा, जें तुमकां गाडी चलयतना तुमचे गाडयेची गती वा वेग कितलो आसा, ताची म्हायती दिवपाची मदत करता.
आतां तुमकां दिसतलें की गुगल मॅपांत अशें खाशेलेंपण आसा, तें खंय लिपलां तर? तें सुरू कशें करचें? तुमकां प्रस्न पडल्यार ताची जाप सोदूया.
Google Maps स्पीडोमिटर अनेबल कसो करपाचो?
तुमच्या गाडयेचो स्पीडोमिटर अचकीत काम करपाक बंद जालो जाल्यार भिवपाची गरज ना, फकत तुमच्या फोनाचेर गूगल मॅप उगडपाची गरज आसा.
Google Maps उगडले उपरांत, तुमकां ऍप्लिकेशनाचे वयले उजवे वटेन दिसपी तुमच्या प्रोफायल फोटोचेर टॅप करचें पडटलें. प्रोफायल फोटोचेर टॅप करतकच तुमच्या मुखार जायते पर्याय उगडटले, सकयल सेटिंग्ज पर्याय दिसतलो.
सेटिंग्जांचेर टॅप केले उपरांत तुमकां नेव्हिगेशन पर्यायाचेर वचचें पडटलें, मागीर तुमकां ड्रायव्हिंग पर्यायांत स्पीडोमीटर पर्याय दिसतलो. हांगाच्यान हें खाशेलेंपण अनेबल करात.
वयर सांगिल्लीं स्टेप फाॅलो केले उपरांत फुडले खेपे गाडी चलयतना Google Maps च्या आदारान नेव्हिगेट करतना तुमकां तुमच्या गाडयेची गती दिसतली. हाचो अर्थ तुमी व्हडल्या तालावांतल्यान स्वताक वांचयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
