सोमारा सोरो, मांस आनी नुस्तें विकचें न्हय, पीर्ण पंचायतीचो उलो
भांगरभूंय | प्रतिनिधी
पणजी ः अयोध्येंत 22 जानेवारीक जावपी श्रीराम मूर्तीच्या प्राणप्रतिश्ठापन सुवाळ्या निमतान कुंमारजुवें पंचायत मंडळान सोरो, मांस आनी नुस्तें विकपी लोकांनी दुकानां बंद दवरून सहकार करपाचें आवाहन केलां. ते उपरांत आतां बार्देश तालुक्याच्या पिर्ण पंचायतीनय अशीच अधिसुचोवणी जारी केल्या.
सोमारा 22 तारखेक अयोध्येंत सुवाळो जातलो. ते निमतान गांवांत मटन, चिकन आनी नुस्तें तशेंच सोरो विकपाचेर बंदी जाहीर केल्या. देखून दुकानदारांनी मटन, चिकन, नुस्त्याचीं दुकानां, चायनीज दुकानां, मांसाहारी हॉटेलां दीसभर बंद दवरचीं. सगल्या दुकानदारांनी हे कळोवणेची दखल घेवन सहकार्य करचें अशें आवाहन पंचायत मंडळान नोटिशेंत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
