भांगरभूंय | प्रतिनिधी
सेरेंडिपीटी कला महोत्सव डिसेंबरांत
पणजी, खबरां मेज : सेरेंडिपिटी आर्ट्स फेस्टिवलाची सवी आवृत्ती पणजे 15 ते 23 डिसेंबर मेरेन जातली. कांय दिसांनी ह्या महोत्सवाचें वेळापत्रक येवपाचें आसा, ताचे खातीर उमेदी आनी समर्पीत व्यक्तींक स्वयंसेवकांच्या पंगडांत आस्पाव करून घेवपाक आमंत्रण दिलां. सेरेंडिपिटी हो दक्षीण आशियांतलो सगळ्यांत व्हडलो कला महोत्सव म्हणून वळखतात. हातूंत जावपी कार्यावळींन सामील जावपाची ही एक बरी संद जावन आसा.
18 आनी ताचे वयले पिरायेच्या व्यक्तींनी हे कार्यावळी खातीर स्वयंसेवक म्हणून नोंदणी करूं येता. हांगा ते कला आनी संस्कृतीच्या वेगवेगळ्या मळावेल्या क्युरेटर आनी कलाकारां वांगडा काम करतले. सेरेंडिपिटी आर्ट्स फेस्टिवलाच्या स्वयंसेवक पंगडाक सामील जावपा खातीर उमेदवारांनी https:// www.serendipityartsfestival.com/apply-as-a-volunteer ह्या संकेतथळाक भेट दिवची आनी नोंदणी प्रक्रिया पुराय करची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
