‘सीएए’ रोखडोच लागू, तयारी पूर्ण

भांगरभूंय | प्रतिनिधी

भायल्या हिंदू, सीख, जैन, बौद्ध, पारशी आनी क्रिस्तांवांक दितले नागरिकत्व

नवी दिल्ली, खबरां संस्था: चार वर्सां उपरांत नागरिकत्व दुरुस्ती कायदो (सीएए) लागू करपाची तयारी पुराय जाल्या. केंद्रीय गृह मंत्रालयाच्या सुत्रां प्रमाण, सीएए लागू करपाक नेम तयार केल्यात. केन्नाय हाची अधिसुचवणी जारी जावपाक शकता. देशभरांत हो कायदो देशभरात एकाच वेळार लागू जातलो. नागरिकत्व मेळोवपा खातीर ऑनलायन अर्ज करपाक मेळटले. हाका लागून सुमार ९० हजार कुटुंबां खातीर नागरिकत्वाचीं दारां उक्तीं जातलीं. सीएए वरवीं पाकिस्तान, अफगाणिस्तान आनी बांगलादेशांतल्यान आयिल्लें धार्मीक अल्पसंख्याक- हिंदू, सीख, जैन, बौद्ध, पारशी आनी क्रिस्तांव लोकांक भारतांत स्थलांतरा उपरांत नागरिकत्व दिवपाची तरतूद केल्या. ३१ डिसेंबर २०१४ आदीं भारतांत आयिल्ल्या लोकां खातीर ही तरतूद लागू आसतली. सुत्रां प्रमाण नेम तयार करपाक जाल्लो कळाव पळयल्यार हे कालमर्यादेंत बदल करपाक शकता.
नागरिकत्वा खातीर आयिल्ल्या अर्जांची केंद्रीकृत प्रणाली वरवीं प्रक्रिया जातली. अर्जांच्या पडताळणीची प्रक्रिया कालबद्ध पद्धतीन पुराय करतले. कागदपत्रांची ऑनलायन तपासणी आनी सुरक्षा यंत्रणांच्या मंजुरी उपरांत नागरिकत्व प्रमाणपत्र जारी करतले. प्रमाणपत्रांची ही पुराय प्रक्रिया पासपोर्ट जारी करपा सारकीच आसतली.
अधिसुचोवणी आयले उपरांत नागरिकत्व मेळोवपा खातीर इत्सूक आशिल्ल्यांक पोर्टलाचेर अर्ज करचो पडटलो. ही सुविधा मोबायलाचेरुय दिवपाचो विचार आसा. नागरिकत्व मेळोवपा खातीर लोकांक अर्जांत भारतांत आयिल्ल्याचें वर्स जाहीर करचें पडटलें. हे म्हायतीच्या आदाराचेर तपास यंत्रणां खरेंपणाची पुश्टी करतले. उपरांत फुडली प्रक्रिया जातली.
गृह मंत्रालयाचो परदेशी विभाग जारी करतले. नागरिकत्वा कडेन संबंदीत प्रमाणपत्र सुत्रांचे म्हायती प्रमाण, नव्या सीएए कायद्यांत नागरिकत्व प्रमाणपत्र दिवपी सक्षम प्राधिकरणाची स्थापना करचे ना. प्राधिकरणाचें काम गृह मंत्रालयाचो परदेशी विभाग करतले. तशेंच, राज्य आनी जिल्हो पांवड्यार स्वतंत्र प्राधिकरण स्थापन करतले.
पाकिस्तानांतल्यान आयिल्ल्या लोकांक पाक उच्चायुक्तालयांतल्यान नागरिकत्व त्याग प्रमाणपत्र घेवचें पडटालें. आतां ताची गरज पडची ना.