शेळप बुद्रुकच्यान बाबुराव गांवकार बेपत्ता
भांगरभूंय | प्रतिनिधी
वाळपय: बाबुराव शिवलो गांवकार (55) हे फाटल्या 10 दिसां सावन बुद्रूक शेळप हांगाच्यान बेपत्ता आसात. हे विशींची कागाळ वाळपयच्या पुलीस स्टेशनाचेर नोंद जाल्या. आजूनय तांचे विशीं कांयच खबर नाशिल्ल्यान तांच्या कुटुंबियांनी खंत उक्तायल्या.
फाटल्या सोमारा रातचे बाबुराव घरांतल्यान भायर सरिल्ले. ते घरा आयलेच ना. दुसरे दिसा तांच्या कुटुंबियांनी आनी शेजार्यांनी चवकशी करपाचो यत्न केलो. पूण ते मेळूंक नात. दोन दीस सोयर्यांनी ताचो सोद घेतलो तरीय मेळूंक नात. निमाणें कुटुंबानी वाळपय पुलीस स्टेशनांत येवन ते बेपत्ता आशिल्ल्याची कागाळ केली.
बाबुराव हे लग्न जाल्यात. तांचे फाटल्यान तांचें पुराय कुटूंब आसा. ते कोणायकूय दिसल्यार लागसारच्या पुलीस स्टेशनाक कळोवचें अशी मागणी तांच्या कुटूंबान केल्या. वाळपय पुलिसांनी हे विशींची म्हायती सगळ्या पुलीस स्टेशनांक दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
