भांगरभूंय | प्रतिनिधी
सुरक्षा हमी रक्कम उणी करपाची मुख्यमंत्र्या कडेन मागणी
पणजी, प्रतिनिधी : नव्या शॅक धोरणांतली 2 लाखांची हमी रक्कम तशेंच हेर गजालींक शॅक धनयांनी हरकत घेतल्या. आयज मुख्यमंत्री डॉ. प्रमोद सावंत हांची तांणी भेट घेतली. ह्या वेळार आमदार मायकल लोबो हाजिर आशिल्ले.
दोन दिसांत दर्यादेग वाठारांतल्या आमदारांची बसका घेवन तोडगो काडपाचें आसवासन मुख्यमंत्री डॉ. सावंत हांणी दिलां, अशी माहिती शॅक धनी क्रुझ कार्दोज हांणी दिली. 2013 वर्सा जें धोरण तयार केल्लें, ते सर्वसमावेशक आशिल्लें. तेंच धोरण लागू करचें. नवें धोरण लागू करपाचें जालें जाल्यार तातुंत बदल करचो. नव्या धोरणात 2 लाख सुरक्षा हमी रक्कम दिवची पडटा. पयलीं सुरक्षा हमी रक्कम 50 हजार रुपया आशिल्ली. हे सुरक्षा हमी रकमेक शॅक धनयानी हरकत घेतल्या. तशेच पयलींच्या धोरणात शॅक स्टीलाचे खांबे वापरून उबारपाची मेकळीक आशिल्ली. नव्या धोरणात शॅक उबारपाक फकत लाकडांचोच वापर करपाची सक्ती आसा. हाका तांणी विरोध आसा. नवे धोरण तयार करतना शॅक धनयाक विस्वासांत घेवक ना, असो आरोप शॅक धनयांनी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
