भांगरभूंय | प्रतिनिधी
फोंडें: वारखंडे-फोंड्यां सोमारा रातीं 10.30 वरांच्या सुमाराक उड्डाण पुला वयल्यान उडी मारिल्ले भारती नायक ह्या लग्न जाल्ले बायलेक मरण आयलें. गंभीर जखमी अवस्थेंत भारती नायक हिका उपजिल्हो हॉस्पिटलांत दाखल केली. ह्या प्रकरणांत फोंडेंचे उपजिल्होधिकारी अदीक तपास करतात.
फोंडें पुलिसांनी दिल्ले म्हायती प्रमाण उड्डाण पुला वयल्यान उडी मारिल्ले बायलेचेर उपचार सुरू आसतना तिका मरण आयलें. ह्या प्रकरणांत अदीक चवकशी करतकूच, कांय वर्सां पयलीं तिचें मडगांवच्या प्रकाश भंडारी हांचे कडेन लग्न जाल्लें. पूण फाटल्या चार म्हयन्या सावन ही बायल आपल्या एका ल्हान भुरग्या सयत चिरपुट्यां रावताली. पूण सोमारा रातीं अचकीत उड्डाण पुला वयल्यान उडी मारिल्ल्याचें कारण अजून स्पश्ट जाल्लें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
