भांगरभूंय | प्रतिनिधी
अरविंद केजरीवाल फाल्यां येतात गोंयांत
पणजी, प्रतिनिधी : लोकसभा वेंचणुकेची तारीख जाहीर जावंक नासली, तरी राज्यांत राजकी घडणुकांक नेट आयला. सोमारा भारतीय जनता पक्षाची बैठक जाले उपरांत मंगळारा जनमत कौला दिसा मडगांवां कॉंग्रेसीची सभा जाली. फाल्यां बिरेस्तारा आपाचे फुडारी आनी दिल्लीचे मुख्यमंत्री अरविंद केजरीवाल गोयांत येतात. तीन दीस ते गोंयांत आसतले.
लोकसभा वेंचणुकेचे तयारेचो नियाळ घेवपा खातीर केजरीवाल गोंयांत येतात, अशी म्हायती आपाचे गोंयचे संघटक अॅड. अमित पालेकार हांणी दिली. आमदार तशेच पक्षाच्या पदाधिकाऱ्यां कडेन ते भासाभास करतले. केजरीवाल हांचे सयत दिल्लीचे मुख्यमंत्री भगवंत सिंग मान, खासदार राघव चड्ढा, संदीप पाठक हे पसून गोंयांत येतले. रिव्होव्लुशनरी गोवन्स पक्षान पयलींच दोनूय उमेदवार जाहीर केल्यात. गोवा फॉरवर्ड पक्षान लोकसभा वेंचणुकेंतल्यान माघार घेतल्या. सत्ताधारी भाजप, कॉंग्रेस आनी आम आदमी पक्षान वेंचणुकेची तयारी सुरू केल्या. लोकसभा वेंचणुकेंत आम आदमी पक्ष गोंयांत कॉंग्रेस उमेदवारांक तेंको दिता काय जाग्याचेर दावो करता, हे विशी उमळशीक आसा. राष्ट्रीय संघटक अरविंद केजरीवाल हांचे भेटी उपरांत बऱ्योच गजाली स्पश्ट जातल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
