भांगरभूंय | प्रतिनिधी
म्हापशें, प्रतिनिधी ः लग्नाचें हांयस दाखोवन 26 वर्सा पिरायेचे चलयेचेर बलात्कार करपाच्या प्रकरणांत अल्लासाहेब मुल्ला उर्फ विकी (36, नावेली- साश्टी) हाका पुलिसांनी अटक केली.
26 वर्सां पिरायेचे चलयेक लग्न जाता अशें सांगून परत परत बलात्कार केल्या उपरांत ती गुरवार जाली. हें कळ्ळें उपरांत दुबावितान तिका जबरदस्तीन गुरवार केल्ल्याची कागाळ पुलिशेंत दाखल जाली. हे कागाळीचेर आदारून दवर्ली- नावेलीच्या 36 वर्सां पिरायेच्या तरणाट्याक बायल पुलिसांनी अटक केली.
कागाळी प्रमाण विकीन सप्टेंबर 2022 वर्सा हे चलयेक लग्नाचो हांयस दाखयल्लें. उपरांत तिका जायते फावट लैंगीक संबंद दवरपाक लायले. उपरांत तें चली गुरवार जालें. उपरांत तिणें त्या तरणाट्याक आपूण गुरवार आसा अशें सांगून लग्ना विशीं विचारलें. पूण ताणें तिका जबरदस्तीन गर्भपात करपाक लायलो. हे संबंदी चलयेन 2 फेब्रुवारी 2024 दिसा पणजेंतल्या बायलां पुलिशेंत कागाळ केली. ते उपरांत पुलिसांनी दुबाविताचेर बलात्कार आनी संमती बगर गर्भपाताची केस नोंद करून ताका अटक केली. वरिश्ठांच्या मार्गदर्शना खाला पुलीस उपनिरिक्षक रुपाली गोवेकार फुडली चवकशी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
