रोजगारा वयल्यान सभाघरांत आरोप प्रत्यारोप
भांगरभूंय | प्रतिनिधी
पणजी : राज्यांत बेरोजगारीचें प्रमाण चड आसा. बेरोजगारीच्या प्रमाणा वयल्यान सभाघरांत नेटान चर्चा जावन आरोप प्रत्यारोप जाले. उद्देग, रोजगार आनी कुशळटाय उदरगत ह्या खात्यांमदीं समन्वय सादपी धोरण सरकार तयार करतलें, अशें मुख्यमंत्री डॉ. प्रमोद सावंत हांणी सांगलें.
खासगी उद्देगांक नोकर्यांची म्हायती दिवपा सयत भरपा आशिल्ल्या नोकर्यांच्यो आंकडो सरकाराक सांगप बंधनकारक करपी कायदो तयार जातलो, अशें आस्वासन मुख्यमंत्री डॉ. सावंत हांणी दिलें. राज्यांत नोंदणी आशिल्ल्या 17 हजार 67 कंपन्यां मदल्या 2297 कंपन्यांनी नोकर्यांची म्हायती सरकाराक दिल्या. हे प्रमाण फकत 14 टक्के आसा. खाजगी कंपन्यो नोकर्यांची म्हायती दिना, असो आरोप विरोधकांनी केलो.
रोजगार विनिमय केंद्रांतलो बेरोजगारीचो आंकडो सारको ना, अशें मुख्यमंत्री डॉ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
