भांगरभूंय | प्रतिनिधी
नवी दिल्ली, खबरां संस्था: गाडयेंत थारायिल्ले मर्यादे परस चड भांगर व्हेल्यार तुमचेर चवकशी जावं येता. समाधानी जाप मेळना जाल्यार तें भांगर जप्त जावपाक शकता. लोकसभा वेंचणुके आदीं सरकार हे संबंदी निर्देश जारी करपाची शक्यताय आसा.
वेंचणूक काळांत पयशे, सोरो जप्त केल्ल्यान कांय राजकी पक्ष, उमेदवार भांगराच्या वस्ती वरवीं तस्करी करतात. रेल्वेच्या एका वरिश्ठ अधिकार्यां प्रमाण, दादल्याच्या प्रवासा खातीर १०० ग्रॅम, आंकवार चलये खातीर २५० ग्रॅम आनी लग्न जाल्-े बालयलेक ५०० ग्रॅम भांगर घालपाची मेकळीक मेळपाक शकता. सध्या चड भांगर घालून प्रवास केल्यार खंयचीच चवकश जायना. मात आतां हे विशीं सरकारान खर पावलां उखलपाचें थारायलां. रोखडेच हे विशीं निर्देश जारी जावपाक शकतात.
आतां भांगराचे वजें घेवन रेल्वेंत प्रवास करपाक मेळचो ना?
रेल्वेच्या एका अधिकार्यान सांगलें, निश्चीत मर्यादे परस चड भांगर घालून प्रवास केल्यार भांगराचें बील वांगडा आसपाक जाय. भांगर खंयच्यान आयलें, खंयच्या उद्देशान मेळ्ळें हें सारकें सांगल्यार ते जप्त जावचें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
