रिल्सा वरवीं गोंयची बदनामी करप्यांचेर कारवाय : मुख्यमंत्री
भांगरभूंय | प्रतिनिधी
पणजी: हालीं रिल्स करपाचें पिशें सगळ्यांक लागलां. कांय जाण गोंयचें नांव पिड्ड्यार करपा खातीरूय रिल्स करतात. अशे रिल्स करप्यांचीं सायबर सेला वरवीं चवकशी करून तांचेर कारवाय करपाची गवाय मुख्यमंत्री डॉ. प्रमोद सावंत हांणी मंगळारा सभाघरांत दिली.
कांय पर्यटक गोंयांत येवन गोंयचें नांव पेड्यार करपी रिल्स करतात. पणजेच्या इम्यक्युलेट कन्सेप्शन चर्ची विशीं वायट टिप्पणी करपी रिल्स व्हायरल जाल्लें, हालींच निदर्शनाक आयलें. हें योग्य न्हय. तांचेर कारवाय करची. ताचो इन्स्टाग्राम अकावंट बंद करचो आनी तांचे आड गुन्यांव नोंद करचो, अशें आमदार दाजी साळकार हांणी शुन्य काळांत सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
