राष्ट्रपती द्रौपदी मुर्मू तीन दिसांचे गोंय भेटेर
भांगरभूंय | प्रतिनिधी
पणजी, डीआयपी : राष्ट्रपती द्रौपदी मुर्मू 22 ते 24 ऑगस्ट मेरेन तीन दिसांचे गोंय भेटीर येतली. ती विवीध कार्यावळींक हाजीर रावतली.
आपले भेटीच्या पयल्या दिसा राष्ट्रपती मुर्मू पणजे आझाद मैदाना वयल्या हुतात्मा स्मारकाचेर फुलांचें चक्र ओंपतली. सांजे राज्य सरकारा वतीन तांचो भोवमान करतले.
23 ऑगस्टाक राष्ट्रपती राजभवनाच्या दरबार हॉलांत आयोजीत गोंय विद्यापीठाच्या 34 व्या पदवीदान सुवाळ्याक हाजीर रावतली. उपरांत आदिवासी प्रतिनिधीं कडेन संवाद सादतली. उपरांत सांजेवेळार पर्वरे विधानसभा प्रकल्पांत गोंय विधानसभा वांगड्यांक संबोधीत करतली.
24 ऑगस्टाक राष्ट्रपती आग्वाद किल्लो, बॉं जिजस बासिलिका आनी शांतादुर्गा देवस्थानाक भेट दितली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
