भांगरभूंय | प्रतिनिधी
2024 ते 2029 मेरेन स्वराज संस्थांच्या निधी विशीं शिफारस
पणजी, प्रतिनिधी : ग्रामपंचायत, नगरपालिका आनी जिल्हो पंचायतींक 2024 ते 2029 मेरेन आवश्यक आशिल्ल्या निधी विशीं शिफारस करपी अहवाल राज्य वित्त आयोगान राज्यपालांक आयज सादर केलो. मंत्रिमंडळान मान्यताय दिले उपरांत हो अहवाल कार्यवायेत येतलो.
राज्य वित्त आयोगाचे अध्यक्ष दौलत हवालदार आनी हेर वांगडी दुर्गाप्रसाद आनी पोतेकार हांणी हो अहवाल तयार केला. तातूंत मुखेलपणान येत्या 5 वर्सांत थळाव्या स्वराज संस्थांक कितलो निधी मेळपाक जाय, ते विशीं शिफारशी आसात, अशी म्हायती आयोगाचे अध्यक्ष दौलत हवालदार हांणी दिली. फाटल्या 10 वर्सांत पंचायत, नगरपालिका आनी जिल्हो पंचायती हांकां कितलो निधी मेळ्ळा, ताचो अभ्यास करून ह्यो शिफारशी केल्यात. पंचायती, नगरपालिका आनी जिल्हो पंचायत वांगड्यांची मतां विचारात घेवपा सयत बिगर सरकारी संघटणांची (एनजीओ) मतां सुद्धा आयोगान विचारांत घेतल्यांत, अशें अध्यक्ष हवालदार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
