राज्यांत पावसाचीं धुमशेणां
भांगरभूंय | प्रतिनिधी
झाडां पडपाचे प्रकार चालुच
पणजी ः राज्यात पावसांचीं धुमशणां चालुच आसात. हाका सागून झाडां पडप, पालसणां कोसळप, घरांनी उदक वचप, पूल उदकां पोंदा वचप अशें प्रकार चालू आसात. धरणांय पुराय भरून व्हांवपाक लागल्यांत. आतां मेरेन 3 धरणां ओव्हरफ्लो जाल्यांत. तिलारी धरण भरिल्ल्यान सकाळीं सावन उदक न्हंयेंत सोडपाक सुरवात केलां.
व्हड पावसाक लागून पणजी जिमखाना लागसार मुखेल रस्त्यार व्हड झाड कोसळ्ळें. ताका लागून येरादारी संथ जाली. उपरांत उजो पालोवपी दळान तें झाड कापलें.
निरंकाला दुदसागर न्हंयेचें उदक घरांनी पावलें. येरादारी ठप्प जाल्या.
कुर्टी- फोंडेंच्या पशुपालन विभाग कार्यालयाचेर झाड पडून लुकसाण.
सत्तरीतलो मुरमुणे रस्तो उदका पोंदा.
पेडणेंचे बैलपार न्हंयेक हुंवाराचें रुप. भाटांनी भरलें उदक.
राज्यांत फाटले कांय दीस घोग्यांनी पावस चालू आसतनाच हवामान खात्यान अजुन पाच दीस ऑरेंज अलर्ट जारी केला. आतां मेरेन राज्यांत 79.13 इंच (2010 मि.मी) पावसाची नोंद जाल्या. ऑगस्ट सुरू जावचे पयलीं पावस शेंकडो मारतलो अशें दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
