भांगरभूंय | प्रतिनिधी
पणजी, प्रतिनिधी : राज्यांत थानांच्या काक्र दुयेतींक गोंय वैजकी म्हाविद्यालय होस्पीटलांत पयलें फुकट पर्टुझूमब – ट्रान्स्टूझूमब हे इंजेक्शन दिलें. ४.२० लाख रुपयांचें हें इंजेक्शन फुकट दिवपी गोंय हें पयलें राज्य आसा, अशें भलायकी मंत्री विश्वजीत राणे हांणी सांगलें.
गोंय वैजकी म्हाविद्यालयांत कांक्र दुयेंसा विरोधी दिसा जाल्ले कार्यवळीक डीन डॉ. शिवानंद बांदेकार आनी हेर दोतोर हाजीर आशिल्ले.
कांक्राच्या दुयेंसाचेर उपचार करपा खातीर सरकारान टाटा मेमोरियल हॉस्पिटला कडेन कबलात केल्या. येवपी १६ म्हयन्यां भितर कांक्राच्या दुयेंतीं खातीर खासा हॉस्पिटल जातलें, अशें श्री. राणे हांणी सांगलें. अंदूं १५ ते २० थानाच्या काक्र दुयेतींक फुकट इंजेक्शन दिवपाचें सरकाराचें उद्दीष्ट आसा, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
