भांगरभूंय | प्रतिनिधी
एके सुनावणे खातीर 36 हजार रुपया मेरेन आदवोगादाचेर मोडले
पणजी : बेकायदाे बांंदकाम वा घरपट्टीच्या प्रस्नाचेर लोकांचे पंंचायती कडेन वाद सुरूच आसता. राज्यातल्यो 70 पंचायती तरेकवार न्यायालयीन खटल्यांनी गुंंतल्यात. विधानसभेंत पंंचायत मंंत्री मॉवीन गुदिन्हो हांणी दिल्ले जापेंतल्यान ही गजाल स्पश्ट जाल्या.
खंयच्या पंचायतीं आड खटले आसा आनी आदवोगादाचेर कितलो पयसो खर्च जाता असो प्रस्न आमदार अालेक्स रेजिनाल्ड हांणी विचारिल्लो. ह्या प्रस्नाक मंत्री मॉवीन गुदिन्हो हांणी लेखी जाप दिल्या. आदवोगादांचेर कितलो खर्च जाला, हाचो नेमको आंकडो जापेंत ना. एके सुनावणेक 5 हजार ते 36 हजार रुपया मेरेन आदवोगादाक पंचायतींंनी शुल्क फारीक केलांं. साल्वादोर द मुंंद पंंचायतीन एका आदवोगादाक एके सुनावणे खातीर 36 हजार रुपया फारीक केल्यात. तशेंच शिवोली सडये पंचायतींन एका खटल्याचेर वर्साक 1 लाख 92 हजार रुपया खर्च केल्यात. खटल्या प्रमाण आनी आदवोगादांं प्रमाण शुल्कांत बदल जाता. तशेंच पंंचायत संंचालनालया सयत खंंडपीठ, दिवाणी न्यायालय ते हरीत लवादात पंंचायतीं आड खटले आसात. कांंदोळी, आसगांव, हरमल ह्या दर्यादेग वाठारातल्या पंचायतीं आड बेकायदाे बांंदकामां विशीं खटले आसात. बेकायदाे बांंदकाम मोडपाचो आदेश जारी जालो काय बांदकाम करपी धनी न्यायालयांत आव्हान दिता. घरपट्टी शुल्काच्या थकबाकी विशीं लेगीत खटले आसात.
काणकोण म्हालांत 7, धारबांंदोड्यां 2, तिसवाडेंत 5, दिवचले 12, बार्देसांत 26 , पेडण्यां 18 पंचायतींचीं नांवां जापेंत आसात.
काणकोण म्हालांत श्रीस्थळ, पैंगीण, लोलयें, गांवडोंगरी, खोतीगांव, खोला आनी आगोंंद पंचायती आड बरेच खटले न्यायालयांत आसात.
ताळगांव, कुडका – बांंबोळी, सांत आंंद्रें, गोलती – नावेली, साव माथायस पंंचायतीं तरेकवार न्यायालयांत खटले लढयता.
कुडणें, वन मावळींंगे, नावेली, हरवळें, अडवलपाल, पिळगांव, सुर्ला, मुळगांव, मयें, शिरगांव, मेणकुरें, साळ ह्या पंंचायतीं आड खटले आसात.
पेडणें म्हालाचो विचार केलो जाल्यार तुयें, धारगळ, विर्नोडें, पार्सें, कासारवर्णें, हणखणें, पालयें, हळर्ण, आगरवाडाे – चोपडें, मांंद्रें, हरमल, तांंबोशें, वझरी, कोरगांव, केरी – तेरेखोल, चांंदेल – हसापूर, वारखंड – नागझर, पोरस्कडें पंंचायतीं न्यायालयीन खटल्यांत आडकल्यात.
धारबांंदोडें आनी कुळें – शिगांव पंचायती न्यायालयीन खटल्यांत शिरकल्यात.
बार्देस म्हालांतल्यो सगल्यांत चड म्हंणल्यार 26 पंंचायती न्यायालयीन खटल्यात आसात. साळगांव, नानोडें, रेईश मागूश, हळजूण, हडफडें, अस्नोडें, कोलवाळ, सांंगोल्डें, शिवोली, शिरसय, वेर्ला काणका, मयडें, पिळर्ण, ओशेल, हळदोणें, पर्रा, थिवी, रेवोडें, कांदोळी, उस्कय पालयें, सुकूर, बस्तोडें, गिरी, आसगांव, शिवोली, साल्वादोर द मुंद ह्या पंचायतींचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
