भांगरभूंय | प्रतिनिधी
मडगांव, प्रतिनिधी ः शिर्ली – धर्मापूरांत आयतारा रातीं कार चालकाचो रस्त्याचो अदमास चुकिल्ल्यान वेगान वचपी कारीन झाडाक धपको दिलो. हांतूत जखमी जाल्लो चालक सत्या तोमर हाका उपचारा वेळार मरण आयलें.
मेळिल्ले म्हायती प्रमाण, शिरवडे- नावेली रावपी सत्या राजकुमार तोमर (29) हो तरणाटो रातच्या वेळार कारीन मडगांव सावन कुंकळ्ळी वटेन वतालो. रातच्या 1.15 वरांचेर ताका रस्त्याचो अदमास येवंक ना. चालकाचे कारी वयले नियंत्रण गेले आनी कारीन रस्त्या कुशीक आशिल्ल्या झाडाक नेटाचो धपको दिलो. ह्या अपघातांत चालक सत्या तोमर गंभीर जखमी जालो. खूब रगतूय व्हांवलें. ताका उपचारा खातीर दक्षीण गोंय जिल्हो हॉस्पिटलांत दाखल केल्लो, पूण उपचारा वेळार ताका मरण आयलें.
सत्या तोमर हो मडगांवच्या चार्ली टेलर्साच्या धनयाचो पूत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
