भांगरभूंय | प्रतिनिधी
काणकोण: फाटल्या एका म्हयन्यां पयलीं नगर्श्यां राष्ट्रीय म्हामार्ग 66 खंचिल्लो. ते संबंदीची खबर उजवाडा आयले उपरांत रस्तो विभागान रस्त्यार पडिल्लें फोंडकूल काँक्रीट घालून पुरयिल्लें. ह्या फोंडकुलांचें काँक्रीट ओलें आशिल्ल्यान आनी ताचे वयल्यान वाहनां वच्ची न्हय, ते खातीर फोंडकुलाच्या दोनूय वटांनी बॅरिकेड्स दवरिल्ले.
हो रस्तो दुरुस्त करून एका म्हयन्या परस चड दीस जाले. पूण रस्तो विभागाक रस्तो दुरुस्त केल्ले सुवातेर सदर बॅरिकेड्स कुशीक काडपाक वेळ मेळ्ळो ना? असो प्रस्न जागृत नागरीक करीत आसात.
हांगा दवरिल्ल्या बॅरिकेड्साक लागून दोनूय वटांनी यो-वच करपी वाहन चालकांक त्रासदायक जायत आशिल्ल्यान हे बॅरिकेड्स काडून उडोवचे अशी मागणी श्रीस्थळ पंचायतीचे आदले सरपंच प्रशांत देसाय हांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
