भांगरभूंय | प्रतिनिधी
दुचाकी धनयाक अटक; फाटल्यान बशिल्ल्याक समज
म्हापशें: म्हापशें-पर्रा रस्त्यार स्टंट केल्ल्या प्रकरणांत 17 वर्सां पिरायेच्या सान दुचाकी चालकाक अपना घरांत धाडून दिला. जाल्यार ताचो भाव (दुचाकीचो धनी) अकबर सय्यदपीर लिंगेडरकोप (27, रा. गंगानगर खोर्ली) हाका अटक केल्या. जाल्यार फाटल्यान बशिल्ल्या तरणाट्याक समज दिवन सोडून दिलो.
हो स्टंटाचो प्रकार बिरेस्तारा दनपारां 1.45 वरांच्या सुमाराक म्हापशें पर्रा रस्त्यार घडिल्लो. हे विशींचो व्हिडिओ सोशल मिडियाचेर व्हायरल जाल्लो. सदर दुचाकीचेर फाटल्यान बशिल्लो तरणाटो विरोधी दिशेन बशिल्ल्यान हो स्टंटाचो प्रकार घडलो.
पुलिसांनी दुचाकीच्या क्रमांका वयल्यान सांजवेळा दुचाकीचो धनी दुबावीत अकबर लिंगेडरकोप हाका धरलो. तेन्ना दुचाकी चलोवपी दुबावीत आरोपी हो दुबावीत आरोपी अकबर हाचो 17 वर्सां पिरायेचो ल्हान भाव आशिल्ल्याचें स्पश्ट जालें. जाल्यार दुचाकीचे फाटल्यान बशिल्लो सायधूसाब लिंगेडरकोप हो दुबाविताचो बापोल भाव आसा.
पुलिसांनी तिगांकूय ताब्यांत घेतले. अकबर हाका भा.दं.सं.च्या 279, 336 तशेंच मोटार वाहन कायदो कलम 3, 129, 177, 180, 184, 192, 194 ड खाला गुन्यांव नोंद करून अटक केली. जाल्यार त्या सान पिरायेच्या चल्याक अपना घरांत धाडून दिलो. जाल्यार सायधूसाब हाका समज दिवन सोडून दिलो.
पुलीस निरिक्षक सीताकांत नायक हांच्या मार्गदर्शना खाला हवालदार शिवजी शेटकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
