भांगरभूंय | प्रतिनिधी
विधीकार दीस कार्यावळीत मुख्यमंत्र्यांनी केलें स्पश्ट
पणजी, प्रतिनिधी : म्हादय प्रकरणांत केंद्रीय रानां मंत्रालया कडेन संपर्क सादून दर दिसा हांव फाटपुरवण करीत आसा. म्हादय खटल्यांत गोंयचेंच जैत जातलें, असो विस्वास मुख्यमंत्री डॉ. प्रमोद सावंत हांणी उक्तायला. विधीकार दिसाच्या कार्यावळींत ते उलयताले.
महाराष्ट्राचे सभापती राहुल नार्वेकार, सभापती रमेश तवडकार, पर्यावरण मंत्री आलेक्स सिकेरा, हेर मंत्री,आमदार तशेच आदले आमदार कार्यावळीक हाजिर आशिल्ले.
राज्यांत विचार स्वातंत्राचेर केन्नाच निर्बंद नासले. हाचे फुडेंय ते आसचे नात. तरी सभापती आड़ उलयताना जापसालदारीन उलोपाची गरज आसता. सभापतीचो अपमान हो सर्वोच्च न्यायालयाचो अपमान थारता, अशे मुख्यमंत्र्यानी सांगले. राज्यांत आमदारां कडल्यान जे पक्ष बदल जाल्यात, ते राज्याचा हिता खातीर जाल्यात. हेर पक्षातल्यान कोणेच कोणाक आपोवंक नात, अशेंय तांणी स्पश्ट केलें.
विकसित भारत 2047 चे उद्दीष्ट साध्य करपाक नवें नेतृत्व तयार जावपाची गरज आसा. विधीकार मंचाक लागुन राज्यांत नवें नेतृत्त्व तयार जावप शक्य आसा, अशे डॉ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
