भांगरभूंय | प्रतिनिधी
पणजी, प्रतिनिधी : सावय वेरें आनी केरी वाठारांत मदले सुटयेंतल्या खाणांत किडी मेळपाच्या प्रकरणाची चवकशी सुरु आसा. उपरांत दोशींचेर खर कारवाय जातली, अशे मुख्यमंत्री डॉ. प्रमोद सावंत हांणी स्पष्ट केलां.
खाणांत किडी मेळपाचे प्रकार हाचे पयलीं घडल्यात. खाणाचो दर्जो महत्वाचो. दर्ज्या विशी कसलीच तडजोड करपाची सरकारची तयारी ना, अशे मुख्यमंत्र्यांनी सांगलें.
मंगळारा शाळांनी खाणांत किडी मेळ्ळ्यो आनी पालकांनी खर कारवायेची मागणी केली. खाणांत किडी खंयच्यान आयल्यो हाचो तपास सुरू जाला. एफडीएन खाणाचे नमुने तपासपाक व्हेल्यात. शिक्षण खात्याक एफडीएच्या अहवालाची प्रतीक्षा आसा. खाण पुरवण करपी आप मजत गटांक एफडीएच परवाने दिता, अशी म्हायती शिक्षण खात्या कडल्यान मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
