भांगरभूंय | प्रतिनिधी
कोरगांव, प्रतिनिधी ः पेठेचा वाडो- कोरगांवां चार दिसां पयलीं मंगळसूत्र चोरपाचो यत्न केल्ल्या प्रकरणांत पेडणें पुलिसांनी नीरज गुप्ता (२२, उत्तरप्रदेश) आनी तोतोन संन्यासी (२८, अस्तंत बंगाल) ह्या दोगा दुबावीतांक अटक केली.
पेठेचा वाडो हांगां 1 फेब्रुवारीक दोग चोरांनी भांगराचें मंगळसूत्र चोरपाचो यत्न केल्लो. ह्या प्रकरणांत पेडणे पुलिसांनी दुबाविताचेर 379, 356 कलमा खाला गुन्यांव नोंद केल्लो. पेडणेचे उपअधीक्षक जिवबा दळवी आनी पुलीस अधीक्षक निधीन वाल्सन हांच्या देखरेखी खाला पुलीस उपनिरिक्षक हरीश वायंगणकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
