भुमिपूत्र विधेयक सरकार घेतलें फाटीं

भांगरभूंय | प्रतिनिधी

-देड हजार मुंडकार खटले निकालांत काडले

पणजी : विधानसभेंत संमत केल्ले भुमिपूत्र विधेयक सरकार फाटीं घेवपाचो विचार करता, अशें महसूल मंत्री बाबूश मोन्सेरात हांणी सांगलें. आतां मेरेन देड हजार मुंडकार खटले सरकारान निकालांत काडल्यात, अशें महसूल मंत्री बाबुश मोन्सेरात हांणी सांगलें.

महसूल, मजूर, सर्वे ह्या खात्यांच्या मागण्यांचेर सभाघरांत चर्चा जाली. चर्चेक जाप दितना महसूल मंत्री बाबूश मोन्सेरात हांणी ही म्हायती दिली.

कूळ आनी मुंडकार खटले बरीच वर्सां प्रलंबीत आसात. उत्तर गोंयांंत 978 जाल्यार दक्षीण गोंयांत 513 खटले निकालांत काडल्यात.

खणी सुरू करपा खातीर स्वतंत्र सनद घेवपाची आतां गरज ना. अनियमीत बांदकाम नेमीत करपाचे अर्ज करपा खातीर 90 दिसांची मुजतवाड दिल्या.

सर्व्हे नंंबरा कडेन आधार कार्ड जोडपाची प्रक्रिया येणावळ खात्यान सुरू केल्या. उटंगाराच्या पावसान लुकसाण जाल्ल्याचे 190 अर्ज मंजूर जाल्यात. सगल्यांक 32 लाखांची लकसाण भरपाय दिल्या.

तिसवाडी आनी लागसारच्या पंचायतीच्या कोयराचो विलो लावपा खातीर बायंगिणी हांगा कोयर प्रक्रिया प्रकल्प जातलो. तिगा जाणांच्यो बोली आयल्यात. इत्सा प्रस्ताव बेगिनूच जारी जातले, अशें मंत्री बाबुश मोन्सेरात हांणी सांगलें.