बोंडला प्राणी संग्रहालय कात सोडटलें
भांगरभूंय | प्रतिनिधी
पणजी : बोंडला प्राणी संग्रहालयाक देश- विदेशांतले पर्यटक भेट दितात. बोंडला प्राणी संग्रहालयाचो दर्जो वाडोपा खातीरच्या मास्टर प्लॅनाक मान्यताय मेळ्ळ्या. 100 ते 150 कोटी रूपया खर्च करून बोंडला प्राणी संग्रहालयाचो कायापालट करपाचो प्रस्ताव आसा, अशें राना मंत्री विश्वजीत राणे हांणी सांगलें.
2022 – 2023 वर्सा 80 हजार लोकांनी बोंडला प्राणीसंग्रहालयाक भेट दिली, अशें रानां खात्याच्या मंत्र्यांनी सांगलें.
सर्गेस्त भाउसायब बांदोडकार हांच्या काळांत बोंडला हांगा प्राणीसंग्रहालयाची उबारणी जाली. 1980 ते 1990 च्या तेपाचेर बोंडला वाघ, शिंवा सयत बरेच प्राणी आशिल्ले. हाचे उपरांत प्राण्यांचो आंकडो उणो जावपाक लागलो. हाका लागून पर्यटक तशेंच भेट दिवपी भुरग्यांचो आंकडो देंवपाक लागलो. बोंडला प्राणीसंग्रहालयाचे उदरगती खातीर मास्टर प्लॅन फाटल्या सरकाराच्या काळांत तयार जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
