भांगरभूंय | प्रतिनिधी
दोन नव्या गाडयांचें उक्तावण
फोंडें ः फोंडे पालिका मंडळान ओलो कोयर एकठांय करपाक पंदराव्या वित्त आयोगाच्या निधींतल्यान 21 लाख 39 हजार रुपया खर्च करून दोन रिक्षा घेतल्यात. शेतकी मंत्री रवी नायक हांचे हस्तुकीं दोनुय गाडयांचें उक्तावण जालें. ह्या वेळार नगराध्यक्ष रितेश नायक, मुखेल अधिकारी शुभम नायक, नगरसेवक रुपक देसाय, आनंद नायक, गीताली तळावलीकार आनी हेर मानेस्त हाजीर आशिल्ले.
पालिका वाठारांतल्या कोयराची समस्या सोडोवपाचो यत्न फोंडे पालिका मंडळ करता. सगले नगरसेवक एकठांय येवन फोंडें शार नितळ दवरपाचो यत्न करतात. लोकांनी तांकां सहकार्य करपाक जाय अशें रवी नायक हांणी सांगलें.
पालिकेच्यो 8 पोरण्यो गाडयो काडून उडोवपाची प्रक्रिया सुरू जाल्या अशें नगराध्यक्ष रितेश नायक हांणी सांगलें. मेळिल्ल्या निधीचो उपेग कोयर एकठांय करपा खातीर आनीक वाहनां घेवपा खातीर करतले. शार नितळ दवरपाचे सगळे यत्न करतले. तशेंच सध्याची मड्याची गाडी पोरणी जाल्या ती बदलून नवी घेतले. गरजेच्यो सुविधा लोकांक उपलब्ध करुन दितले अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
