भांगरभूंय | प्रतिनिधी
म्हापशें, प्रतिनिधी : श्री देव बोडगेश्वराची जात्रा २३ जानेवारी सावन सुरू आसा. ह्या निमतान श्री देव बोडगेश्वर देवस्थान समिती शेनवारा बोडगेश्वर देवाच्या हातांत भांगराचे आनी पांयांत रुप्याचे कडे अर्पण करतली.
सकाळीं ह्या दोनूय वस्तींचें शुद्धीकरण जातलें. उपरांत दनपरां १२.३० वरांचेर हें कडें देवाक अर्पण करतले. तशेंच ते भाविकांच्या दर्शना खातीर दवरतले. उपरांत म्हानैवद्य जातलो.
बोडगेश्वर देवाची ८९ वी जात्रा २३ जानेवारीक सुरू जाल्लो तो ४ फेब्रुवारीक सोंपतलो. ह्या निमतान देवस्थान समितीन देवाक वर्धापनदिसा म्हळ्यार २३ जानेवारीक चांदीची उत्सव मुर्ती, भांगरा- रुप्याचे कडे अर्पण करपाचो निर्णय घेतिल्लो. मात ह्यो वस्ती वेळार उपलब्ध जावंक नाशिल्ल्यान थारिल्ल्या वेळार त्यो अर्पण करप समितीक शक्य जावंक ना. आतां सुब्राय पुंडलिक चोडणकार हांणी ह्यो वस्ती मुंबयच्यान करून हाडून दिल्यात. ते प्रमाण फाल्यां कडें अर्पण करपाचो सुवाळो जातलो.
मजगतीं, हातांतल्या भांगराच्या कड्याक २४९ ग्रॅम भांगर जाल्यार रुप्याची उत्सव मुर्ती आनी पांयांतल्या कड्यां खातीर सुमार ७.५ किल चांदी देवस्थान समितीन दिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
