भांगरभूंय | प्रतिनिधी
पणजी, डीआयपी : आदिवासी कल्याण खात्या वतीन अनुसूचीत जमाती विद्यार्थी प्री-मेट्रीक (यत्ता IX आनी X) आनी पोस्ट-मेट्रीक शिश्यवृत्ती ह्या केंद्र पुरस्कृत येवजणेची अंमलबजावणी करता. हे येवजणे खातीर अर्ज करपाक नॅशनल स्कॉलरशिप पोर्टल ( https://scholarships.gov.in ) चेर ऑनलायन अर्ज मागयता.
आदिवासी कल्याण संचालनालयान २०२३- २४ वर्साच्या प्री-मेट्रीक आनी पोस्ट-मेट्रीक शिश्यवृत्ती येवजणे खातीर राष्ट्रीय शिश्यवृत्ती पोर्टलाचेर मुजत वाडयल्या. अर्ज दिवपाची निमाणी तारीख १५ फेब्रुवारी आसा आनी INO पांवड्यावयल्या पडताळणीची निमाणी तारीख २५ फेब्रुवारी आनी जिल्हो पांवड्यावयल्या पडताळणीची निमाणी तारीख १५ मार्च आसा.
केंद्रीय आदिवासी वेव्हार मंत्रालयान सगळ्या अर्जदारां खातीर आधारकार्ड नंबर सक्तीचें करपाचो निर्णय घेतला. मात आधाराबगर अर्ज करपी अल्पवयीन अर्जदारां खातीर पालक वा कायदेशीर पालकांनी आदार दिवप सक्तीचें आसतलें.
२०२४- २५ वर्सा सावन आधार आदारीत बायो-मेट्रिक प्रमाणीकरण आनी eKYC सक्तीचें आसतलें. पूण प्रक्रीया सोपी करपा खातीर २०२३- २४ वर्सा खातीर वन-टाइम पासवर्ड (OTP) आदारीत प्रमाणीकरणाक लेगीत परवानगी दितले. नॅशनल स्कॉलरशिप पोर्टलाचेर नोंदणी करपा खातीर विद्यार्थ्यांनी आपलो वापरात आशिल्लो मोबायल नंबर आपल्या आधारकार्ड नंबराक लिंक केल्लो आसपाक जाय.
शिश्यवृत्ती रक्कम विद्यार्थ्यांच्या आधार लिंक बँक खात्यांत जमा करतले. संस्था मुखेली/ नोडल अधिकार्यांनी नॅशनल स्कॉलरशिप पोर्टलाचेर वचून अर्जांची पडताळणी करपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
