प्रा. हरी नरके संवसाराक अंतरले
भांगरभूंय | प्रतिनिधी
मुंबई ः ज्येश्ठ लेखक, पुरोगामी विचारवंत आनी समता परिशदेचे उपाध्यक्ष प्रा. हरी नरके (७०) संवसाराक अंतरले. हरी रामचंद्र नरके हांची मराठी लेखक, शिक्षणीक संशोधक, वक्तो आनी मराठी ब्लॉगर म्हणून नामना आशिल्ली. पुणे विद्यापिठांत ते महात्मा फुले अध्यासनाचो अध्यासन प्राध्यापक आशिल्ले. तशेंच महाराष्ट्र राज्य मागासवर्ग आयोग हे संस्थेचेय ते वांगडी आशिल्ले. पुण्यांतल्या आंतरराश्ट्रीय कीर्तीच्या भांडारकर प्राच्यविद्या संस्थेचे उपाध्यक्षपद तांणी सांबाळ्ळां. ‘मराठी भास ही संस्कृत, कन्नड आनी तेलगू सारकी अभिजात भारतीय भास आसा’ हें सिद्ध करपा खातीर नेमिल्ले रंगनाथ पठार समितीच्या अहवालात प्रा. नरके हांणी योगदान दिलां.
महाराष्ट्र सरकारान ‘समग्र महात्मा फुले’ नांवाचें 1000 पानांचें पुस्तक अद्ययावत करून उजवाडायलें. ताचो संपादक हरी नरके आशिल्लो. राज्य सरकारान डॉ आंबेडकर हांच्या समग्र वाङ्मयाचे 26 खंड उजवाडायले, तातूंतले स खंड हरी नरके हांणी संपादीत केल्ले. तशेंच डॉ. आंबेडकर, महात्मा फुले हांचेर तांणी ग्रंथ बरयल्यात. ‘महात्मा फुले यांची बदनामी : एक सत्यशोधन’ आनी ‘महात्मा फुले-शोधाच्या नव्या वाटा’ हीं ताचीं दोन लोकप्रिय पुस्तकां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
