भांगरभूंय | प्रतिनिधी
पणजी, प्रतिनिधी : बेतूल हांगा आयोजीत राष्ट्रीय ऊर्जा सत्पका निमतान प्रधानमंत्री नरेंद्र मोदी ६ फेब्रुवारीक गोंयांत येतले. ह्या दौर्या वेळार ते गोंयच्या ७ म्हत्वाच्या प्रकल्पांचो बुन्यादी फातर बसयतले, अशी म्हायती मुख्यमंत्री डॉ. प्रमोद सावंत हांणी दिली.
पर्वरी मंत्रालयांत आयज मंत्रिमंडळ बसका जाली. उपरांत जाल्ले पत्रकार परिशदेंत मुख्यमंत्री उलयताले. प्रधानमंत्री नरेंद्र मोदी ६ फेब्रुवारीक गोंय दौर्याचेर येतले. ह्या दौर्या विशीं मंत्रीमंडळ बसकेंत चर्चा जाली. ह्या दौर्यांत ७ म्हत्वाच्या प्रकल्पांचो बुन्यादी फातर प्रधानमंत्र्यां हस्तुकीं बसयतले. हातूंत कुंकळ्ळेचे एनआयटी, दोनापावलचो वॉटर स्पोर्ट्स, बेतचें कमांडट नौदल महाविद्यालय, रेईश मागूस हांगचो रोपवे, कुडचडेंचो कोयर प्रक्रिया प्रकल्प, साळावले न्हंयचेर १०० एमएलडी प्रकल्प आनी पाटो-पणजेचे थ्रीडी इमारत ह्या प्रकल्पांचो आसपाव आसा अशी म्हायती मुख्यमंत्र्यान ह्या वेळार दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
